Тарифа

Со Mobile тарифните модели добивате многу повеќе! Неограничени разговори и SMS пораки кон сите домашни мрежи, многу повеќе мобилен интернет, можност за избор на екстра придобивки секој месец на Тelekom MK апликацијата, избор на мобилни телефони, таблети и други уреди по повластeна цена во Доверба 24.

За да можете да нарачате нова линија/број во Mobile тарифа потребно е дa ги исполните условите наведени на следниов линк.

Треба да потпишете Договор за засновање претплатнички однос. Овој договор се склучува на неопределно време.

Пристапете до Телеком онлајн продавницата, со одбирање на категоријата „Тарифи“, потоа од паѓачкото мени одберете ја поткатегоријата „Mobile“. На страницата за тарифи ќе ви се прикажат опции. Одберете ја тарифата којашто најмногу им одговара на вашите потреби и кликнете на копчето „Купете само тарифа“. На следниот екран ќе го видите вашиот избор, доколку сакате да го потврдите, кликнете на копчето „Продолжи“. Следен чекор е да се најавите со вашиот Телеком профил или, доколку сте нов корисник, одберете ја опцијата да продолжите без најава и кликнете на копчето „Продолжи“. Пополнете ги вашите лични податоци и одберете го бројот што најмногу ви се допаѓа. Потврдете и продолжете кон плаќање. По наплатата ќе добиете потврда на вашата е-адреса.

Доверба 24 e договор за лојалност за корисниците на мобилни и интегрирани услуги на Македонски Телеком. Нуди повластени цени за купување мобилни телефони, таблети и други уреди за секоја мобилна линија поединечно во најсоодветната мобилна тарифа за вас. Доверба 24 предвидува склучување договор во времетраење од 24 месеци за користење на мобилните услуги.

Договорот за Доверба 24 е со времетрање од 24 месеци, започнува од моментот на купување на уредот по повластена цена.

Magenta Moments e интернационална дигитална програма за поволности и наградување ексклузивно достапна за корисниците на Македонски Телеком. До неа се пристапува преку Telekom MK мобилната апликација.

Сите корисници на Македонски Телеком кои се најавени на Telekom MK апликацијата може да имаат пристап, да креираат свој профил на Magenta Moments и да ги истражуваат и користат поволностите во Magenta Moments

Срцата се немонетарна валута во Magenta Moments програмата, кои служат за анимација и забава на корисниците. Срцата кои ќе се собираат како дел од Magenta Moments, може да се користат за отклучување и активирање на ексклузивни понуди како и за учество во некои предизвици или игри во склоп на Magenta Moments програмата.

Корисиците на Magenta Moments можат да пребаруваат поволности од партнери во делот „Истражувај“ користејќи ги различните филтри по име на партнер, категорија, подкатегорија, град. Исто така, со помош на приказот на Мапа, корисниците може да ги пронајдат понудите и според географска локација.

Понудите ќе бидат променливи, со секојдневно посетување на Magenta Moments корисниците ќе бидат во тек со сите нови поволности и игри за нив

Сите активирани/отклучени кодови од поволности од партнерите, како и сите награди добиени на некоја од игрите во Magenta Moments, се наоѓаат во делот Мои понуди. Во секоја понуда ги има соодветните детали, до кога важи конкретниот код, како и кои услови треба да се исполнети за да се искористи поволноста.

Начинот на собирање на срца ќе биде прикажан како мисии кои корисникот треба да ги исполни. Мисиите се прикажани во делот „Собери повеќе срца“ кој се наоѓа кај корисничкиот профил на Magenta Moments. Македонски Телеком го задржува правото да воведува нови и да ги менува мисиите и предизвиците за корисниците со цел да се опфатат различни дигитални однесувања на корисникот на Telekom MK апликацијата.